Category Archives: Isaia

Mũthamaki wa thaayũ 1 Atĩrĩĩrĩ, mũthamaki mwerũ nĩakoima njiarwainĩ cia Daudi, o ta ũrĩa thuuna ĩthundũkaga gĩtinainĩ kĩa mũtĩ, kana ta ũrĩa rũhonge ruumaga mũtĩinĩ. 2 Atĩrĩĩrĩ, roho wa MWATHANI agaikara thĩinĩ wa mũthamaki ũcio mwerũ, amũhe ũũgĩ, ũmenyi maũndũ, ũtaarani, na hinya. Naake mũthamaki ũcio nĩakaamenya ũrĩa MWATHANI eendaga, na amũtĩĩyage. 3 Gwathĩkĩra MWATHANI […]

Rwĩmbo rwa gũcookia ngaatho 1 Mũthenya nĩũgooka rĩrĩa mũkaina atĩrĩ, “Nĩtwagũcookeria ngaatho, wee MWATHANI nĩ tondũ warĩ mũraakaru nĩ ithuĩ no rĩu nĩgũtũũmĩrĩria ũratũũmĩrĩria, na nĩũniinĩĩte maraakara maaku. 2 Ngai nĩ we Mũhonokia witũ, nĩtũrĩigaga mwĩhoko witũ harĩ we, na tũtigũcooka gwĩtigĩra. MWATHANI nĩarĩtũheaga hinya na ũcamba; nĩ gũkorwo we nĩ we Mũhonokia witu. 3 […]

Ngai nĩakaaherithia Babiloni 1 Ĩno nĩ yo ndũmĩrĩri nditũ ĩrĩa Isaia mũrũ wa Amozu aaheirwo nĩ MWATHANI ĩkoniĩ Babiloni. 2 Haiciai bendera ya kwanĩrĩra mbaara kũu kĩrĩmainĩ kĩrĩa gĩtarĩ kĩndũ! Gũũthũkĩraai thigari na mũcihenerie na mooko, mũciĩre itharĩkĩre ihingo cia itũũra rĩrĩa rĩĩtĩi. 3 MWATHANI we mwene nĩetĩĩte thigari ciake iria itamakaga, na itarĩ kĩndũ […]

Andũ gũcooka kuuma ithaamĩrio 1 MWATHANI nĩakaaringwo nĩ tha nĩ ũndũ wa Aisiraeli andũ aake na amatue aake kĩũmbe o rĩngĩ. Ningĩ nĩakaamaiga bũrũriinĩ wao kĩũmbe, na andũ a ndũũrĩrĩ nĩmageeturanĩra na matũuranie nao. 2 Ndũũrĩrĩ nyingĩ nĩigaateithĩrĩria Aisiraeli gũcooka bũrũri ũrĩa MWATHANI aamaheire. Marĩ bũrũriinĩ wao ndũũrĩrĩ icio, ikaamatungataga ta ngombo. Andũ arĩa maatuĩte […]

Ngai nĩakaaniina Moabi 1 Ĩno nĩ yo ndũmĩrĩri nditũ ĩrĩa yaheanirwo ĩkoniĩ Moabi. Matũũra ma Ari na Kiri maniinĩĩtwo ũtukũ o ũmwe, na bũrũri wa Moabi ũkirĩĩte ihooru ki. 2 Andũ a Diboni moorĩire kũndũ gũtũũgĩru kũrĩa mathaathayagĩria makarĩrĩre kuo. Amoabi maragirĩka moigĩrĩirie, makĩrĩrĩra matũũra ma Nebo na Medeba. Oothe nĩmeenjeete njuĩrĩ na nderu moonanie […]

Moabi kwagaaga 1 Amoabi, marĩ itũũrainĩ rĩa Sela rĩrĩa rĩrĩ werũinĩ, nĩmaatũmĩire ũrĩa wathaga itũũra rĩa Jerusalemu gatũrũme karĩ kĩheeo. 2 Meetereire iriũkoinĩ rĩa rũũĩ rwa Arinoni makĩagaagaga o ta nyoni itharũrĩirio itara ciacio, kana ta tũcui twa nyoni tũhurunjĩĩtwo. 3 Mareera andũ a Juda atĩrĩ, “Twĩreei ũrĩa twagĩrĩirwo nĩgwĩka; rekeei twĩgitie harĩ inyuĩ o […]

Ngai nĩakaaherithia Siria na Isiraeli 1 Ĩno nĩyo ndũmĩrĩri nditũ ĩkoniĩ Damasiki. “Atĩrĩĩrĩ, itũũra rĩa Damasiki rĩtigaacooka gũtuĩka itũũra rĩngĩ; rĩgaatuĩka o iganjo itheri. 2 Matũũra ma Siria magaatũũra matarĩ na andũ tene na tene. Ng’ondu na ng’ombe igaatũũra irĩaga na ikaaraha kuo, na itikoona mũndũ wa gũcihahũra. 3 Isiraeli gũgaikara gũtarĩ na ũgitĩri, nakuo […]

Ngai nĩakaaherithia Ethiopia 1 Mũrĩmo ũũrĩa ũngĩ wa njũũĩ cia Ethiopia, nĩkũrĩ bũrũri ũiguagwo mathagu makĩbatabata. 2 Bũrũri ũcio nĩũtũmaga arekio magereire maaĩinĩ ma Nailo makuuĩĩtwo nĩ tũtarũ tũthondekeetwo na marura. Cookaai bũrũriinĩ wanyu! Inyuĩ arekio aya mũrĩ ihenya. Cookiai ndũmĩrĩri bũrũriinĩ wanyu ũcio ũtwĩkanĩirio nĩnjũũĩ, na rũũrĩrĩinĩ rwanyu rwa andũ araihu na marĩ ngoothi […]

MWATHANI nĩekũherithia Misiri 1 Ĩno nĩ yo ndũmĩrĩri nditũ ĩkoniĩ Misiri. MWATHANI arooka Misiri ahaicĩĩte itu rĩrahanyũka mũno. Mĩhianano ya Misiri nĩkũinaina ĩrainaina, nao andũ a Misiri nĩmakuĩte ngoro. 2 MWATHANI ekuuga atĩrĩ, “Nĩngũtũma Amisiri mookanĩrĩre o eene, mũndũ ahũũrane na mũrũ wa nyina, na mũndũ ahũũrane na ũrĩa ũngĩ, itũũra rĩhũũrane na rĩrĩa rĩngĩ, […]

Mũnabii Isaia gũtuĩka kĩmenyithia na ũndũ wa gũthiĩ e njaga 1 Na rĩĩrĩ, Sarigoni, mũthamaki wa Asiria, nĩathire mũnene wa mbũtũ ciake cia ita athiĩ agatharĩkĩre itũũra rĩa Afilisiti rĩa Ashidodu arĩnyiite. 2 Mĩaka ĩtatũ mbere ĩyo, MWATHANI nĩerĩĩte Isaia mũrũ wa Amozu arute iraatũ na nguo ya ikũnia iria eehumbĩĩte. Isaia nĩathĩkire, agĩikara arĩ […]