Category Archives: Thaburi

Njĩra ya Gĩkeno kĩa ma 1 Kũraathimwo-rĩ, nĩ mũndũ ũrĩa ũtarũmagĩrĩra mataaro ma andũ arĩa ooru, na ũtageragĩra njĩra cia eehia, kana akagwatanĩra na andũ arĩa matatĩĩĩte Ngai. 2 We-rĩ, gĩkeno gĩake nĩgwathĩkĩra watho wa MWATHANI, na nĩawĩciiragia mũthenya o na ũtukũ. 3 Ahaana ta mũtĩ ũrĩa ũhandĩĩtwo ndeereinĩ cia rũũĩ, ũrĩa ũciaraga maciaro maaguo […]

Mũthamaki ũrĩa ũthuurĩĩtwo nĩ Ngai 1 Bata wa mabũrũri kũũngana hithoinĩ, na ndũũrĩrĩ gũthugunda mĩbango ya tũhũ nĩ ũrĩkũ? 2 Athamaki aao-rĩ, nĩmaremeete, nao aathani aao nĩmacookanĩĩtie ndundu maremere MWATHANI o na mũthamaki ũrĩa aitĩrĩirie maguta akamũthuura. Marerana atĩrĩ, 3 “Nĩtwĩyohoreei kuuma wathaniinĩ wao, namo matamu maao tũmateanie matweherere.” 4 MWATHANI arĩ o igũrũ, gĩtĩinĩ […]

Ihooya rĩa rũũciinĩ rĩa kũũria ũteithio# 1 MWATHANI, kaĩ thũ ciakwa nĩ nyingĩ-ĩ! Andũ arĩa maranjũkĩrĩra nĩ aingĩ mũno! 2 Aingĩ nĩ arĩa maraaria ũhoro wakwa makoiga atĩrĩ, “Ndarĩ ũteithio angĩona harĩ Ngai.” 3 No rĩĩrĩ, wee MWATHANI nĩwe ngo yakwa ya kũngitĩra mĩena yothe; nowe ũheaga ũhootani, na ũkanjookia hinya. 4 Ngayagĩra MWATHANI andeithie, […]

Ihooya rĩa hwaĩinĩ rĩa kũũria ũteithio# 1 Njĩtĩkaga ndagũkaĩra, wee Ngai, mũngitĩri! Wee nĩwe wandeithũrire rĩrĩa ndarĩ mũhinyĩrĩrie. Nginyĩria wega waku, narĩo ihooya rĩakwa ũkĩrĩigue. 2 Inyuĩ andũ aya, nĩ nginya rĩ mũgũtũũra mũũnyararĩĩte? Nĩ nginya rĩ mũgũtũũra mwendeete maũndũ ma tũhũ na mũrũmbũyanagia na maheeni? 3 Menyaai atĩ MWATHANI nĩeyamũrĩire ndungata yake ĩrĩa ĩmwĩhokeete, […]

Ihooya rĩa kũũria ũmenyereri# 1 MWATHANI, tega matũ ũigue ciugo ciakwa, na ũigue ngĩcaaya. 2 Thikĩrĩria, wee Ngai wakwa, na Mũthamaki wakwa, ũndeithie, nĩ gũkorwo nĩ we ndĩrahooya. 3 MWATHANI, nĩũiguaga mũgambo wakwa o rũũciinĩ; # kĩrooko tene nĩrĩo ngũhooyaga, na ngeeterera macookio maaku. 4 Wee-rĩ, ndũrĩ Ngai wa gũkenera ũmaramari; ndũnyiitaga ũgeni mũndũ mũũru. […]

Ihooya rĩa kũũria ũteithio hĩndĩ ya thĩĩna# 1 MWATHANI, ndũkandũithie ũrĩ na maraakara, o na ndũkaherithie ũrĩ mũraakaru. 2 Nginyĩria wega waku, MWATHANI, nĩ ũndũ no kũũrwo ndĩroorwo nĩ hinya; MWATHANI, honia, nĩ amu mwĩrĩ wakwa ũiyũirwo nĩ ruwo. 3 Ngoro yakwa o nayo nĩnyamaarĩkĩĩte mũno. Ĩ, MWATHANI, nĩ rĩ ũkandeithia? 4 MWATHANI, hũgũka ũhonokie; […]

Ihooya rĩa kũhooya Waragania# 1 MWATHANI Ngai wakwa, njũkĩĩte harĩ we ũmenyerere; honokia kuuma harĩ arĩa oothe mahanyũkanĩĩtie na niĩ, ũkĩndeithũre. 2 Waga gwĩka ũguo mekũndembũranga o ta mũrũũthi, macooke mangururie hatarĩ na wa kũndeithũra. 3 MWATHANI Ngai wakwa, angĩkorwo nĩnjĩkĩĩte ũmwe wa maũndũ maya: ngorwo nĩnjĩkĩĩte ũũru na mooko maakwa, 4 ngorwo nĩndĩhĩĩte mũraata […]

Riiri wa Ngai na ũrĩa mũndũ atũũgĩrĩĩtio nĩ Ngai# 1 MWATHANI, o wee MWATHANI witũ, ĩ rĩĩtwa rĩaku ti rĩnene gũũkũ thĩ guothe! Riiri waku-rĩ, ũkinyĩĩte o igũrũ matuinĩ, 2 na twana o na tũkenge nĩtũũkumagia na tũnua twatuo. Wee-rĩ, hatirĩ thũ o na ĩmwe yaku ĩngĩgũthengerera o na atĩa. Thũ ciaku o na arĩa […]

Gũcookeria Ngai ngaatho nĩ ũndũ wa ũrĩa arĩ wa kĩhooto# 1 Nĩngũgũcookeria ngaatho MWATHANI na ngoro yakwa yothe; nĩngũgana maũndũ moothe ma magegania marĩa wĩkĩĩte. 2 Nĩngũkena o na njanjamũke nĩ ũndũ waku; nĩngũina ngĩgoocaga rĩĩtwa rĩaku, wee Ũrĩ Igũrũ Mũno, 3 nĩ ũndũ rĩrĩa thũ ciakwa, ciaturumana na ũthiũ waku, ihũndũkaga ikagũa thĩ na […]

Ihooya rĩa kũhooya waragania 1 MWATHANI, ũkũrũũgama kũraaya ũguo nĩkĩ? Wĩhithaga hĩndĩ ĩrĩa tũrĩ mathĩĩnainĩ nĩkĩ? 2 Andũ arĩa ooru mahĩtaga arĩa athĩĩni magĩtĩĩaga; mĩtego ĩyo mathondekeete ĩromagwatia. 3 Mũndũ ũrĩa mũũru-rĩ, nĩetĩĩaga nĩ ũndũ wa merirĩria mooru marĩa marĩ ngoroinĩ yake; naake mũndũ ũrĩa mũkoroku, arumaga MWATHANI o na akamũrega. 4 Mũndũ ũrĩa mũũru-rĩ, […]