Category Archives: Mariko

Mahunjio ma Johana Mũbatithania 1 Ũyũ nĩ Ũhoro ũrĩa Mwega ũkoniĩ Jesũ Kristũ, Mũrũ wa Ngai. 2 O ta ũrĩa mũnabii Isaia aandĩkire atĩrĩ: “Oneei, nĩngũtũma mũrekio wakwa athiĩ mbere yaku, na nĩ we ũgaagũthondekera njĩra; 3 kwĩ mũgambo wa mũndũ ũranĩrĩra werũinĩ akoiga atĩrĩ, ‘Haarĩriai barabara ya Mwathani, na mũrũngarie njĩra ciake!’ ” 4 […]

Jesũ kũhonia mũndũ wakuĩte ciĩga 1 Na rĩĩrĩ, matukũ maniini maathira Jesũ agĩcooka rĩngĩ Kaperinaumu na gũkĩmenyeka atĩ e mũciĩ. 2 Nao andũ aingĩ mũno magĩkĩũngana o nginya gũkĩaga handũ mangĩikara, o na mũrangoinĩ. Naake Jesũ akĩambĩrĩria kũmahunjĩria. 3 Hĩndĩ o ĩyo andũ ana magĩũka makuuĩĩte mũndũ warĩ na mũrimũ wa gũkua ciĩga, mamũreehere Jesũ. […]

Jesũ kũhonia mũndũ wonjeete guoko 1 Naake Jesũ akĩingĩra rĩngĩ thunagogiinĩ, na kũu nĩkwarĩ mũndũ wonjeete guoko. 2 Na nĩhaarĩ na andũ amwe maacaragia ũndũ mangĩmũthitanga naguo. Magĩgĩikara mamũroreete moone kana nĩekũhonia mũndũ ũcio mũthenya wa Thabatũ. 3 Naake Jesũ akĩĩra mũndũ ũcio wonjeete guoko atĩrĩ, “Ũka haaha.” 4 Jesũ agĩkĩmooria atĩrĩ, “Watho witũ wĩtĩkĩrĩĩtie […]

Ngerekano ya mũhuri wa mbegũ 1 Na rĩĩrĩ, o rĩngĩ Jesũ akĩambĩrĩria kũruta andũ ũhoro e hũgũrũrũinĩ cia iria rĩa Galili. Nao andũ arĩa maamũthiũrũrũkĩirie maarĩ aingĩ mũno, tondũ ũcio akĩingĩra gatarũinĩ agĩgaikarĩra. Gatarũ kau kaarĩ maaĩinĩ, nao andũ magĩikara hũgũrũrũinĩ cia iria. 2 Agĩkĩmaruta maũndũ maingĩ na ngerekano akiuga atĩrĩ: 3 “Tathikĩrĩriai! Hĩndĩ ĩmwe […]

Jesũ kũhonia mũndũ warĩ na ngoma 1 Naake Jesũ na arutwo aake magĩkinya mũrĩmo ũrĩa ũngĩ wa iria rĩa Galili bũrũriinĩ wa Gerasa. 2 Naake oima gatarũinĩ agĩtũngwo nĩ mũndũ woimĩĩte mbĩĩrĩrainĩ. Naake mũndũ ũcio aarĩ na ngoma, 3 na aatũũraga kũu mbĩĩrĩrainĩ. Gũtirĩ mũndũ ũngĩahotire kũmuoha na kĩndũ o na mĩnyororo, 4 amu o […]

Jesũ kũregwo Nazarethi 1 Thuutha ũcio Jesũ akiuma kũu agĩcooka itũũrainĩ rĩao, nao arutwo aake makĩmũrũmĩrĩra. 2 Mũthenya wa Thabatũ wakinya akĩambĩrĩria kũrutana thunagogiinĩ. Na kũu thunagogi nĩkwarĩ andũ aingĩ mũno. Rĩrĩa maamũiguire makĩgega, makĩũrania atĩrĩ, “Mũndũ ũyũ aarutire maũndũ maya moothe kũ? Kaĩ aheetwo ũũgĩ mũingĩ atĩa wa gwĩka maũndũ ma magegania ũũ? 3 […]

Ũrutani wa maithe maitũ ma tene 1 Na rĩĩrĩ, Afarisai amwe o na arutani a Watho arĩa moimĩĩte Jerusalemu makĩũngana harĩ Jesũ. 2 Nao makĩona arutwo amwe aake makĩrĩa irio na mooko me na thaahu, ũguo nĩkuuga, matarĩ mathambie. 3 (Amu Afarisai o na Ayahudi oothe, matingĩarĩire irio matethambĩĩte mooko kũringana na ũrutani wa maithe […]

Jesũ kũhũũnia andũ ngiri inya 1 Na rĩĩrĩ, matukũinĩ o macio andũ aingĩ magĩkorwo magomanĩĩte rĩngĩ no matiarĩ na gĩa kũrĩa. Naake Jesũ agĩĩta arutwo aake harĩ we akĩmeera atĩrĩ, 2 “Nĩndĩraiguĩra andũ aya tha, tondũ makoreetwo na niĩ rĩu mĩthenya ĩtatũ, na matirĩ na kĩndũ gĩa kũrĩa. 3 Ingĩmeera mainũke mahũũtiĩ mahota kũringĩkĩra njĩra, […]

1 Naake agĩthiĩ na mbere kwaria akiuga atĩrĩ, “Ngũmwĩra na ma atĩ, haaha nĩharĩ andũ amwe matagaakua matooneete Ũthamaki wa Ngai ũgĩũka wĩ na hinya.” Jesũ kũgarũrũka ũrĩa aatariĩ 2 Na rĩĩrĩ, thuutha wa mĩthenya ĩtandatũ yathira Jesũ akĩoya Petero, Jakubu na Johana akĩmatwara handũ kĩrĩma igũrũ marĩ oiki. Naake Jesũ akĩgarũrũka ũrĩa aatariĩ mamwĩroreire. […]

Jesũ kũrutana ũhoro wa gũtigana kwa mũthuuri na mũtumia 1 Thuutha ũcio Jesũ akiuma Kaperinaumu agĩthiĩ mwena wa Judea, mũrĩmo ũũrĩa ũngĩ wa Rũũĩ rwa Jorodani. Nao andũ aingĩ makĩmũthiũrũrũkĩria rĩngĩ, naake akĩmaruta o ta ũrĩa aamenyereete. 2 Nao Afarisai amwe magĩũka kũrĩ we makĩenda kũmũgeria makĩmũũria atĩrĩ, “Watho witũ nĩwĩtĩkĩrĩĩtie mũndũ mũrũme atigane na […]