Category Archives: Mathayo

Andũ arĩa maatũmĩĩtwo nĩ Johana Mũbatithania 1 Na rĩĩrĩ, Jesũ arĩĩkia gũtaarĩria arutwo acio aake ikũmi na eerĩ maũndũ macio, akiuma kũu agĩthiĩ kũrutana na kũhunjia matũũrainĩ marĩa maarĩ gũkuhĩ na kũu. 2 Na rĩĩrĩ, Johana Mũbatithania arĩ njeera nĩaiguire maũndũ marĩa Kristũ eekaga, naake akĩmũtũmĩra arutwo aake mathiĩ makamũũrie atĩrĩ, 3 “Wee nĩ we […]

Kĩũria gĩkoniĩ Mũthenya wa Thabatũ 1 Na rĩĩrĩ, hĩndĩ ĩyo Jesũ nĩagereire mĩgũndainĩ ya ngano Mũthenya wa Thabatũ. Na tondũ arutwo aake maarĩ ahũũtu, magĩkĩambĩrĩria gũtua ngira cia ngano, magacirigitha makarĩa ngano. 2 Rĩrĩa Afarisai moonire ũguo makĩĩra Jesũ atĩrĩ, “Tarora, arutwo aaku nĩmareeka ũrĩa Watho witũ ũteetĩkĩrĩĩtie gwĩkwo mũthenya wa Thabatũ.” 3 Naake Jesũ […]

Ngerekano ya mũhuri wa mbegũ 1 Na rĩĩrĩ, o ro mũthenya ũcio Jesũ akiuma nyũmba agĩthiĩ agĩikara rũteereinĩ rwa iria. 2 Nao andũ aingĩ mũno makĩmũthiũrũrũkĩria, tondũ ũcio akĩingĩra gatarũ agĩikara thĩ ho, nao andũ acio makĩrũũgama hũgũrũrũinĩ cia iria. 3 Naake Jesũ akĩmaruta maũndũ maingĩ na ngerekano, akĩmeera atĩrĩ, “Hĩndĩ ĩmwe mũhuri nĩoimagarire agĩthiĩ […]

Gũkua kwa Johana Mũbatithania 1 Na rĩĩrĩ, hĩndĩ ĩyo Herode ũrĩa wathanaga Galili nĩaiguire ngumo ya Jesũ. 2 Naake agĩkĩĩra ndungata ciake atĩrĩ, “Ũyũ nĩ Johana Mũbatithania ũriũkĩĩte, nĩkĩo e na hinya wa kũringa ciama.” 3 Amu Herode nĩanyiitithĩĩtie Johana akamuohithia na akamũikithia njeera nĩ ũndũ wa Herodia ũrĩa warĩ mũtumia wa mũrũ wa nyina […]

Ũrutani wa maithe maitũ ma tene 1 Na rĩĩrĩ, Afarisai amwe na arutani a Watho amwe nĩmookire kũrĩ Jesũ moimĩĩte Jerusalemu makĩmũũria atĩrĩ, 2 “Nĩkĩ gĩtũmaga arutwo aaku maage kũhingia maũndũ marĩa twatigĩirwo nĩ maithe maitũ ma tene? Matiĩthambaga mooko ta ũrĩa kwagĩrĩire mbere ya kũrĩa!” 3 Naake akĩmacookeria atĩrĩ, “Na inyuĩ nĩkĩ gĩtũmaga muune […]

Afarisai na Asadukai gwĩtia kĩama 1 Na rĩĩrĩ, Afarisai na Asadukai magĩũka kwĩ Jesũ, na tondũ nĩmeendaga kũmũgeria, makĩmwĩra atĩ amaringĩre kĩama nĩguo oonanie atĩ hinya wake uumĩĩte kwĩ Ngai. 2 No Jesũ akĩmacookeria atĩrĩ, “Rĩrĩa riũa rĩgũthũa, muugaga atĩrĩ, ‘Mũthenya wa rũũciũ nĩũgaakorwo wĩ mwega tondũ igũrũ nĩ gũtuune.’ 3 Ningĩ rũũciinĩ rũgĩkinya mũkoiga […]

Jesũ kũgarũrũka ũrĩa aatariĩ 1 Na rĩĩrĩ, thuutha wa mĩthenya ĩtandatũ, Jesũ akĩoya Petero na Jakubu na mũrũ wa nyina Johana, akĩmatwara kĩrĩma igũrũ kĩraaya handũ hataarĩ na andũ. 2 Naake Jesũ akĩgarũrũka ũrĩa aatariĩ mamwĩroreire; ũthiũ wake ũkĩhenia ta riũa, nacio nguo ciake igĩtuĩka njerũ cua. 3 Na rĩĩrĩ, arutwo acio atatũ makĩona Musa […]

Nũũ mũnene ũthamakiinĩ wa igũrũ 1 Na hĩndĩ o ĩyo arutwo a Jesũ magĩũka kũrĩ we makĩmũũria atĩrĩ, “Nũũ mũnene makĩria Ũthamakiinĩ wa igũrũ?” 2 Naake Jesũ agĩĩta kaana, agĩkarũũgamia gatagatĩ kaao, 3 akĩmeera atĩrĩ, “Ngũmwĩra atĩrĩ na ma, tiga mũgarũrũkire mũhaane ta ciana, gũtirĩ hĩndĩ mũgaatoonya Ũthamakiinĩ wa igũrũ. 4 Mũndũ ũrĩa wĩnyiihagia ta […]

Jesũ kũrutana ũhoro wa gũtigana kwa mũthuuri na mũtumia 1 Jesũ arĩĩkia kũmeera maũndũ macio akiuma Galili agĩthiĩ bũrũri wa Judea mũrĩmo ũũrĩa ũngĩ wa Rũũĩ rwa Jorodani. 2 Nao andũ aingĩ makĩmũrũmĩrĩra, naake akĩmahoneria kuo. 3 Nao Afarisai amwe magĩthiĩ kũrĩ we makĩmũgeria makĩmũũria atĩrĩ, “Watho nĩwĩtĩkĩrĩĩtie mũndũ atigane na mũtumia wake nĩ ũndũ […]

Aruti wĩra mũgũndainĩ wa mĩthabibũ 1 “Ũthamaki wa igũrũ ũhaana ta mũndũ ũrĩa woimagarire rũũciinĩ tene agĩthiĩ kwandĩka andũ a kũmũrĩmĩra mũgũnda wake wa mĩthabibũ. 2 Naake arĩĩkia kũiguithania nao atĩ ekũmarĩha o dinariagĩkĩmatũma makarute wĩra mũgũndainĩ wake wa mĩthabibũ. 3 Agĩcooka agĩthiĩ rĩngĩ ndũũnyũinĩ ta thaa ithatũ cia rũũciinĩ akĩona andũ mataarĩ na ũndũ […]