Category Archives: Isaia

Ciugo cia kũũmĩrĩria Jerusalemu 1 MWATHANI aroiga atĩrĩ, “Tathikĩrĩriai, inyuĩ mwenda ũthingu, na mũcaragia MWATHANI. Wĩciiriei ũhoro wa rwaro rwa ihiga kuuma kũrĩa mwacũhirio, na wa kware ĩrĩa mwenjirwo. 2 Tacũũraniai ũhoro wa Aburahamu, ithe wanyu na wa Sara, ũrĩa wamũciarire. Rĩrĩa ndeetire Aburahamu, ndaarĩ na mwana, no nĩndamũraathimire na ngĩmũhe ciana. Nĩndatũmire ciana ciake […]

Ngai nĩakahonokia Jerusalemu 1 Jerusalemu, ũkĩra wĩhande rĩngĩ! Wee mũciĩ Mũtheru wa Ngai, wĩhumbe nguo cia riiri waku! Andũ a ndũũrĩrĩ matigaacooka gũkĩra ihingo ciaku rĩngĩ. 2 Itũũra rĩa Jerusalemu, wĩribaribe rũkũngũ! Ũkĩra ũikarĩre gĩtĩ gĩaku gĩa ũthamaki! Itũũra rĩa Zayuni, wee ũkoreetwo ũrĩ ngombo, ruta bĩngũ icio woheetwo nacio! 3 MWATHANI areera andũ aake […]

1 Andũ makoigaga atĩrĩ, “Nũũ ũngĩetĩkirie ũndũ ũrĩa tũraheana rĩu? Nũũ ũngĩrahotire kuona guoko kwa MWATHANI ũndũinĩ ũyũ? 2 Ndungata ĩyo yake yakũrire o ta mũtĩ mwĩthĩ ũraruta mĩri ũrĩ kũndũ kũũmũ. Ndĩarĩ na kĩũga atĩ nĩ geetha tũmĩĩrorere na ndĩarĩ thaka kana riiri atĩ nĩngĩagĩtũguucĩrĩirie na kũrĩ yo tũmĩende. 3 Nĩyameneetwo na ĩgĩkaanwo nĩ […]

MWATHANI nĩendeete Isiraeli 1 Jerusalemu, ũtariĩ o ta mũndũ wa nja thaata ũtarĩ wagĩa na ciana. No rĩu wee ũtarĩ waigua ruwo rwa kũheeo mwana, kena na ũrũũhie, tondũ wee ũratiganĩirio, nĩũkũgĩa na ciana nyingĩ kũrũũga mũndũ wa nja ũrĩa ũtũũranagia na mũthuuriwe. 2 Araramia hema ĩrĩa ũtũũraga, raiharaihia mĩkanda, ũgaathe hema na ũhande higĩ […]

Ngai gũtugana 1 MWATHANI aroiga atĩrĩ, “Haaha harĩ na maaĩ, mũndũ o wothe ũnyootiĩ nĩoke. Inyuĩ na inyuĩ mũtarĩ na mbeeca, ũkaai mũgũre irio mũrĩe. Ũkaai mũgũre ndibei na iria, gũtirĩ mbeeca mũgwĩtio. 2 Atĩrĩĩrĩ, mũhũthagĩra mbeeca cianyu na indo itangĩmũhũũnia nĩkĩ? Mũhũthagĩra mĩcaara yanyu na mũgatigwo mũtaiganĩĩtie nĩkĩ? Thikĩrĩriai na mwĩke ũrĩa nguuga, na […]

Ndũũrĩrĩ ciothe nĩigaturanĩrwo hamwe na andũ a Ngai 1 MWATHANI aroiga atĩrĩ, “Ĩkagaai maũndũ ma waragania na ma ũthingu, nĩ gũkorwo nĩngũũka o na ihenya ndĩmũhonokie. 2 Kũraathimwo nĩ mũndũ wothe wĩkaga na akarũmia maũndũ maya: ũhingagia wega mũthenya wa Thabatũ akaaga kũmĩthaahia; na ũrĩa wĩrigagĩrĩria gwĩka ũndũ o ũrĩkũ mũũru. 3 “Mũtikaanareke mũrũũrĩrĩ ũrĩa […]

Ngai kũmenereria mĩhianano ya Aisiraeli 1 Atĩrĩĩrĩ, andũ arĩa athingu no gũthira marathira, na gũtirĩ mũndũ ũrarũmbũyania nao. Andũ arĩa ehokeku no gũkua marakua, na gũtirĩ mũndũ ũramenya atĩ andũ acio athingu nĩgũthengio marathengio thĩĩnainĩ, 2 matwarwo kũndũ kũrĩ na thaayũ. Andũ arĩa matũũraga ũtũũro wa ũthingu, makua matwaragwo makahuurũke. 3 Ũkaai haaha, inyuĩ maciaro […]

Kwĩhinga kũrĩa kwa ma 1 MWATHANI aroiga atĩrĩ, “Anĩrĩra mũno, na ndũgeetĩkĩre gũkĩrio! Menyithia Isiraeli, andũ aakwa meehia maao. 2 Maathaathayagia mũthenya o mũthenya, na makeendaga kũmenya njĩra ciakwa, ta marĩ rũũrĩrĩ rũtũire rũrũmagĩrĩra ũthingu, na rũtarĩ rwatiganĩria maathani ma Ngai wao. Manjũũragia ndĩmahe matua ma kĩhooto, na makeerahaga atĩ nĩmaathaathayagia.” 3 Andũ marooria atĩrĩ, […]

Mũnabii kũmenereria meehia ma andũ 1 Atĩrĩĩrĩ, tigaai gwĩciiria: atĩ MWATHANI ndarĩ na hinya o na haniini wa kũmũhonokia, kana atĩ ahingĩĩte matũ ũguo atĩ ndangĩhota kũigua mwamũkaĩra! 2 No rĩĩrĩ, mahĩtia maanyu nĩ mo meekĩrĩĩte mũhaka gatagatĩ kaanyu na Ngai wanyu. Meehia maanyu nĩ mo matũmĩĩte Ngai amwĩhithe, akaaga kũmũigua mwamũhooya. 3 Nĩ gũkorwo […]

Riiri ũrĩa ũgooka wa Jerusalemu 1 Jerusalemu, arahũka ũkenge o ta riũa, riiri wa MWATHANI nĩũkũmũrĩkĩĩte! 2 Atĩrĩĩrĩ, nduma ndumanu nĩkaahumbĩra thĩ, o na ĩhumbĩre andũ; no MWATHANI nĩagaakũmũrĩka, na riiri wake nĩũkooneka igũrũ rĩaku. 3 Ndũũrĩrĩ igooka ũtheriinĩ ũcio waku, nao athamaki mooke ũkenguinĩ waku ũrĩa ũgaakorwo ũhaana ta wa riũa rĩkĩratha. 4 Rora […]