Category Archives: Thaburi

Ũrĩa Mũthamaki eerĩire Ngai nĩarĩĩkaga!# 1 Nĩngũina rwĩmbo rũkoniĩ wĩhokeku na kĩhooto; wee, MWATHANI, nĩ we ngũinĩra rwĩmbo rũu. 2 Ndĩrĩthiaga na mĩthiĩre ĩtarĩ na ũcuuke. Ũgooka harĩ niĩ rĩ? Nĩndĩrĩikaraga gwakwa mũciĩ na mũikarĩre mũkinyanĩru, 3 na nĩndĩrĩreganaga na ũndũ o wothe mũũru. Nĩthũire ciĩko cia arĩa matirikaga Ngai; ndĩrĩgĩaga ngwatanĩro nao. 4 Ndirĩogomagia […]

Ihooya rĩa mũndũ mwĩthĩ ũranyariirĩka# 1 Thikĩrĩria ihooya rĩakwa, MWATHANI, na ũigue gũkaya gwakwa. 2 Ndũkaae kũrora na kũngĩ rĩrĩa ndĩrathĩĩnĩka! Thikĩrĩria, na ũnjĩtĩke narua ndagũkaĩra! 3 Ũtũũro wakwa nĩgũthira ũrathira o ta ũrĩa ndoogo ĩthiraga; mwĩrĩ wakwa ũrakana o ta mwaki. 4 Hũũrĩkangĩĩte ngahooha o ta nyeki; nĩnjũrĩĩtwo nĩ ngoro ya kũrĩa irio. 5 […]

Wendo wa Ngai wa magegania# 1 Ngoro yakwa, gooca MWATHANI! Kĩrĩa gĩothe gĩ thĩinĩ wakwa nĩgĩkumie rĩĩtwa rĩake rĩtheru! 2 Ngoro yakwa, gooca MWATHANI! Na ndũkariganĩrwo nĩ ũrĩa e mũtaana. 3 Anjohagĩra meehia maakwa moothe, na akahonia mĩrimũ yakwa yothe. 4 Ahonokagia ndigaakue, na akanyonagia wendani na tha 5 Ahũũnagia na maũndũ meega mũthenya o […]

Kũgooca Ngai Mũũmbi 1 Ngoro yakwa gooca MWATHANI! Ĩ wee, MWATHANI, Ngai wakwa, ndũrĩ mũnene! Wĩhumbĩĩte ũnene na riiri 2 na ũkehumba ũtheri ta nguo. Nĩ we watambũrũkirie igũrũ ta hema, 3 na ũkĩhanda itugĩ cia nyũmba yaku # maaĩinĩ marĩa marĩ na kũu igũrũ. Wee nĩ we ũtuaga matu ngaari ya mbarathi ya gũgũkuua, […]

Ngai na andũ aake 1 Cookeriai MWATHANI ngaatho, anĩrĩraai ũnene wake, menyithiai andũ oothe a thĩ ũrĩa eekĩĩte. 2 Mũgooceei na nyĩmbo; menyithaniai maũndũ moothe ma magegania marĩa eekĩĩte! 3 Kenaai tondũ tũrĩ aake; arĩa oothe mamũthaathayagia nĩmacanjamũke! 4 Cariai MWATHANI, o na hinya wake; mũthaathayagiei hingo ciothe. 5-6 Inyuĩ njiarwa cia Aburahamu, ndungata yake, […]

Ũtugi wa MWATHANI harĩ andũ aake 1 Goocaai MWATHANI! Cookeriai MWATHANI ngaatho tondũ nĩ mwega; wendo wake nĩ wa nginya tene tene! 2 Nũũ ũngĩhota kũgana ciĩko cia hinya iria eekĩĩte, kana amũgooce ta ũrĩa kwagĩrĩire? 3 Kũraathimwo-rĩ, nĩ arĩa marũmagĩrĩra kĩhooto, o arĩa meekaga wega hingo ciothe. 4 Ndirikanaga, MWATHANI, rĩrĩa ũratuga andũ aaku; […]

Gũcookeria Ngai ngaatho tondũ nĩ mwega 1 “Cookeriai MWATHANI ngaatho, tondũ nĩ mwega; wendo wake nĩ wa tene na tene!” 2 Inyuothe arĩa MWATHANI ahonokeetie ugaai ũguo. Nĩamũhonokeetie kuuma harĩ thũ cianyu 3 akamũcookia amũrutĩĩte kuuma mabũrũriinĩ mageni, kuuma irathĩro na ithũĩro, # na kuuma rũgongo na kĩanda. 4 Amwe nĩmoorũũrire werũinĩ ũrĩa ũtaarĩ o […]

Ihooya rĩa kũũria ũteithio nĩ ũndũ wa thũ# 1 Ndingĩenyenyeka, Ngai, ndingĩenyenyeka! Nĩngũina na ngũgooce! Wee roho wakwa arahũka! 2 Arahũkaai kĩnanda na ngita! Nĩngwarahũra riũa! 3 Nĩngũgũcookeria ngaatho, MWATHANI, ndĩ gatagatĩinĩ ka andũ; nĩngũkũinĩra nyĩmbo cia gũkũgooca ndĩ gatagatĩinĩ ka ndũũrĩrĩ. 4 Nĩ gũkorwo ũtugi waku nĩ mũraaya gũkĩra igũrũ; wĩhokeku waku ũkinyĩĩte o […]

Mateta ma mũndũ ũrĩ thĩĩnainĩ# 1 Ndũgaakire, Ngai, wee nĩ we ngoocaga! 2 Nĩ gũkorwo nĩnjũkĩrĩirwo nĩ andũ ooru na aheenania, maraaria ndeto ciakwa makĩheenanagia. 3 Manyumĩĩte na mĩena yothe makĩaragia ciugo cia rũthũũro, na magĩtharĩkagĩra hatarĩ gĩtũmi. 4 O na gũtuĩka nĩndĩmeendeete, na nĩndĩmahooyagĩra, no kũnjuuka maranjuuka. 5 Marandĩha wega na ũũru, na makandĩha […]

MWATHANI na mũthamaki wake ũrĩa athuurĩĩte# 1 MWATHANI nĩerire MWATHANI wakwa atĩrĩ, “Ikara thĩ mwena wakwa wa ũrĩo, nginya rĩrĩa ngaatũma ũrangĩrĩrie thũ ciaku.” 2 MWATHANI nĩagaatũma ũthamaki waku ũnenehe wambĩrĩirie Zayuni, nawe nĩũgaathaga thũ ciaku iria ĩgũthiũrũrũkĩirie. 3 Andũ aaku nĩmakeerutĩra mũthenya ũrĩa ũkaarũa na thũ ciaku. Aanake aaku magooka kũrĩ we irĩmainĩ iria […]