Category Archives: Thaburi

Ngai nĩwe mũtũgitĩri 1 Ũrĩa wothe ũikaraga ũgitĩriinĩ wa Ũrĩa Ũrĩ Igũrũ Mũno, na akamenyagĩrĩrwo nĩ Mwene Hinya Wothe 2 no ahote kũmwĩra atĩrĩ, “We nĩ we mũngitĩri na mũmenyereri; we nĩ we Ngai wakwa ũrĩa niĩ ndĩhokeete.” 3 Tondũ we nĩarĩkũrigagĩrĩria ndũgaatoonye mũtegoinĩ ũrĩa ũhithĩĩtwo, na ndũkaanyiitwo nĩ mũrimũ mũũru. 4 Arĩkũhumbagĩra na mathagu […]

Rwĩmbo rwa kũgooca# 1 Nĩ wega mũno gũgũcookagĩria ngaatho wee, MWATHANI, na kũinaga tũgĩkumagia rĩĩtwa rĩaku, wee, Ngai Ũrĩa Ũrĩ Igũrũ Mũno. 2 Nĩ ũndũ mwega mũno kũganaga ũtugi waku o rũũciinĩ, na wĩhokeku waku o hwaĩinĩ, 3 tũkĩhũũraga ngita na tũkĩinaga na inanda. 4 Nĩ gũkorwo wee, MWATHANI, nĩũngeneetie na ciĩko ciaku cia hinya, […]

Ngai nĩwe mũthamaki 1 MWATHANI nĩ we mũthamaki; ehumbĩĩte ũnene na hinya. Thĩ ĩhandĩĩtwo ĩkarũma ki; ndĩngĩenyenyeka o na atĩa. 2 Gĩtĩ gĩaku kĩa ũnene, MWATHANI gĩtũire gĩ kĩrũmu kuuma o tene; wee-rĩ, warĩ o kuo kuuma tene na tene. 3 MWATHANI, iria nĩkwanĩrĩra rĩraanĩrĩra; rĩraanĩrĩra rĩkĩrurumaga na rĩkĩhũũyũkaga. 4 MWATHANI ũrĩa wathanaga na ũnene […]

Ngai nĩwe ũtuagĩra andũ oothe 1 MWATHANI, tondũ wĩ Ngai ũrĩa ũrĩhanagĩria onania ũrĩa ũraakarĩĩte! 2 Wee ũtuagĩra andũ oothe arahũka ũhe andũ arĩa etĩĩi kĩrĩa kĩmaagĩrĩire. 3 MWATHANI, nĩ nginya rĩ andũ arĩa aaganu megũtũũra makenaga? Megũtũũra ũguo nginya rĩ? 4 Andũ arĩa ooru-rĩ, nĩ nginya rĩ megũtũũra meyambararagia, na metĩĩaga nĩ ũndũ wa […]

Rwĩmbo rwa kũgooca 1 Ũkaai, tũgooce MWATHANI! Rekeei tũinĩre Ngai ũrĩa ũtũmenyagĩrĩra tũkeneete! 2 Nĩtũthiĩi harĩ we tũrĩ na ngaatho; rekeei tũmũinĩre nyĩmbo cia kũmũgooca tũkeneete. 3 Nĩ gũkorwo MWATHANI nĩ Ngai mũnene, na nĩ mũthamaki mũnene wa ngai iria ingĩ ciothe. 4 Nĩ we wathaga thĩ yothe, kuuma kũrĩa kũriku mũno o nginya tũcũmbĩrĩ […]

Ngai nĩwe Mũthamaki ũrĩa Mũnene 1 Inĩraai MWATHANI rwĩmbo rwerũ! Inĩraai MWATHANI, andũ oothe a thĩ! 2 Inĩraai MWATHANI, na mũmũgooce! Menyithanagiai o mũthenya ũrĩa atũhonokeetie! 3 Ganĩraai ndũũrĩrĩ ciothe ũhoro wa riiri wake; ĩraai andũ oothe ũhoro wa ciĩko ciake cia magegania. 4 Nĩ gũkorwo MWATHANI nĩ mũnene, na nĩ wa kũgoocwo mũno; nĩ […]

Ngai nĩ mũnene wa anene oothe 1 MWATHANI nĩ we mũthamaki! Thĩ ta nĩkene, icigĩrĩra cia iriainĩ ta nĩicanjamũke! 2 Athiũrũrũkĩirio nĩ matu na nduma ndumanu; arathana na ũthingu na kĩhooto. 3 Atongoreetio nĩ mwaki ũracina thũ ciake mĩena yothe. 4 Heni ciake nĩkũmũrĩka iramũrĩka mabũrũri; thĩ no kũinaina ĩrainaina yaciona. 5 Irĩma iraringũka o […]

Ngai nĩwe wathaga thĩ yothe 1 Inĩraai MWATHANI rwĩmbo rwerũ, tondũ nĩekĩĩte maũndũ ma magegania; guoko gwake kwa ũrĩo na hinya wake mũtheru nĩimũreehithĩirie ũhootani. 2 MWATHANI nĩamenyithanĩĩtie ũhootani wake; nĩoneetie ndũũrĩrĩ hinya wake wa kũhonokania. 3 Nĩahingĩĩtie na wĩhokeku ũrĩa eerĩire andũ aake a Isiraeli; thĩ yothe nĩyoneete ũhootani wa Ngai witũ. 4 Inĩraai […]

Ngai nĩwe Mũthamaki ũrĩa mũnene 1 MWATHANI nĩ we mũthamaki; andũ nĩkũinaina marainaina. Aikarĩire ciũmbe iria irĩ mathagu irĩ ta gĩtĩ gĩake gĩa ũthamaki, nayo thĩ no gũthingitha ĩrathingitha. 2 MWATHANI nĩ mũnene Zayuni; nĩ we wathaga ndũũrĩrĩ ciothe. 3 Andũ oothe nĩmarĩkumagia rĩĩtwa rĩake rĩnene na rĩa gwĩtigĩrwo. We nĩ mũtheru! 4 Wee, mũthamaki […]

Rwĩmbo rwa kũgooca# 1 Inĩraai MWATHANI inyuĩ andũ oothe a thĩ! 2 Thaathayai MWATHANI mũcanjamũkĩĩte; ũkaai mbere yake mũkĩinaga mũkeneete! 3 Menyaai atĩ MWATHANI nĩ Ngai; nĩ we watũũmbire, na tũrĩ aake; tũrĩ andũ aake, na ng’ondu iria arĩithagia 4 Toonyeraai ihingo cia Hekaarũ yake mũrĩ na ngaatho thiĩi njainĩ ciayo mũkĩgoocaga. Mũcookeriei ngaatho na […]