MWATHANI gũcookeria Ayubu 1 Thuutha ũcio MWATHANI arĩ thĩinĩ wa kĩhuuhũkanio agĩcookeria Ayubu atĩrĩ, 2 “Ũrĩ ũ nĩguo ũrarie kĩrĩra gĩakwa na ciugo cia ũrimũ? 3 Akorwo ũrĩ njamba, ngũkũũria ciũria, nawe no mũhaka ũnjookerie! 4 “Warĩ ha rĩrĩa ndaambaga mũthingi wa thĩ? Njookeria akorwo nĩũũĩ. 5 Akorwo nĩũũĩ-rĩ, nũũ watuire ũrĩa thĩ ĩgũkorwo ĩigana? […]
Monthly Archives: July 2017
Ayubu 39
1 Nĩũũĩ rĩrĩa mbũri cia irĩmainĩ iciaraga? Ũrĩ werorera thwariga igĩciara? 2 Nĩũũĩ ciikaraga itĩĩna rĩigana atĩa igĩgaciara? Nĩũmenyaga mũthenya ũrĩa igũciara? 3 Nĩũũĩ rĩrĩa ikomaga thĩ igĩciara? 4 Tũũri twacio tũkũraga tũkagĩĩra hinya o kũu werũinĩ; tũgacooka tũgatigana na maanyina na tũtimacookagĩrĩra. 5 “Nũũ wetĩkĩririe ndigiri cia gĩthaka kũrimũũthaga? Nũũ waciohorire agĩcirekereria irimũũthage? 6 […]
Ayubu 40
1 Ningĩ MWATHANI akĩĩra Ayubu atĩrĩ, 2 “We ũteendaga kũhootwo-rĩ, no ũgũthiĩ na mbere kũng’eeng’ana na Mwene Hinya Wothe? Wee ũrakararania na Ngai, kĩmũcookerie!” Ayubu gũcookeria MWATHANI 3 Naake Ayubu agĩcookeria MWATHANI atĩrĩ, 4 “ Niĩ ndĩ kĩndũ hatarĩ! Nĩ atĩa ĩngĩgũcookeria? Niĩ ndirĩ na ũndũ ũngĩ wa kuuga. 5 Nĩnjarĩĩtie maita maingĩ, na ndirĩ […]
Ayubu 41
1 “No ũhote kũnyiita ndamaathia ĩrĩa ĩĩtagwo Leviathani na ndwano? No ũhote kũmĩoha kanua na mũkanda? 2 No ũhote kũmĩĩkĩra mũkanda iniũrũ, kana ũtũrĩkie rũthĩa rwayo na ndwano? 3 No ĩgũthaithe ũmĩrekererie ĩĩthiĩre, kana ĩkũũrie ũmĩiguĩre tha? 4 No ĩthondeke kĩrĩĩkanĩro nawe ĩtũũre ĩgũtungatagĩra tene na tene? 5 No ũmĩohe ta nyoni ũthaakage nayo, kana […]
Ayubu 42
Mĩario ya mũthia ya Ayubu 1 Ayubu agĩcookeria MWATHANI atĩrĩ, 2 “Niĩ nĩnjũũĩ atĩ no ũhote gwĩka maũndũ moothe; mũbango waku ndũngĩgirĩrĩrio nĩ mũndũ. 3 Ũrooria atĩ ndĩroomĩrĩria atĩa gũkararia mataaro maaku, o rĩrĩa itarĩ na ũmenyo. Nĩnjarĩĩtie maũndũ itooĩ; maũndũ marikĩru mũno itangĩmamenya. 4 Ũnjĩĩrire thikĩrĩrie ndeke warie, na ngũcookerie ciũria ciaku. 5 Mbere […]
Esiteri 1
Kwini Vashiti kũregana na watho wa mũthamaki Ahasuerusu 1-2 Atĩrĩĩrĩ, mũthamaki Ahasuerusu arĩ gĩtĩinĩ gĩake kĩa ũnene itũũrainĩ rĩa Susa, mũciĩ mũnene wa Perisia, aathaga mabũrũri igana na mĩrongo ĩĩrĩ na mũgwanja, kuuma India nginya Ethiopia. 3 Mwakainĩ wa gatatũ wa ũthamaki wake nĩathondekeire anene na aathani oothe iruga. Mbũtũ cia ita cia Perisia na […]
Esiteri 2
Esiteri gũtuĩka kwini 1 Thuutha wa maũndũ macio, o na mũthamaki arĩĩkĩĩtie kũraakarũka, nĩeciiragia ũhoro wa ũrĩa Vashiti eekĩĩte, o na ũrĩa aamũtuĩrĩire ũũru. 2 Nao andũ amwe arĩa maamũtaaraga, arĩa maakuhanĩrĩirie naake mũno, makĩmwĩra atĩrĩ, “Kaĩ ũtangĩcaria airĩĩtu eethĩ thingi? 3 Atĩrĩĩrĩ, thuura anene kuuma rũgongo o rũgongo thĩinĩ wa bũrũri ũyũ wathanaga ũmeere […]
Esiteri 3
Hamani gũthondeka mũbango wa kũniina Ayahudi 1 Thuutha wa maũndũ macio, mũthamaki Ahasuerusu nĩatuire mũndũ wetagwo Hamani mũtongoria wa anene arĩa angĩ oothe. Hamani aarĩ mũrũ wa Hamedatha na aarĩ Mũagagi. 2 Mũthamaki nĩathanĩĩte atĩ andũ oothe, arĩa maamũtungatagĩra maheage Hamani gĩtĩĩo na ũndũ wa kũmũturĩria ndu na kũmũinamĩrĩra. Oothe nĩmaathĩkire. No rĩĩrĩ, Moridekai nĩaregire […]
Esiteri 4
Moridekai kũhooya Esiteri ũteithio 1 Rĩrĩa Moridekai aamenyire ũrĩa wothe gwekĩĩtwo, agĩtarũranga nguo ciake nĩ ũndũ wa kĩeha, agĩcooka agĩĩkĩra nguo ya ikũnia, na akĩĩhurĩria mũhu, agĩcooka akiumagara agĩtũrĩkĩria itũũrainĩ agĩkayũrũrũkaga e na kĩeha mũno. 2 Nĩathiire o nginya kĩhingoinĩ gĩa gũtoonya kwa mũthamaki, no ndatoonyire tondũ mũndũ o wothe wĩkĩrĩĩte nguo ya ikũnia ndeetĩkĩragio […]
Esiteri 5
Esiteri gwĩtĩra mũthamaki na Hamani iruga 1 Mũthenyainĩ wa gatatũ wa kwĩhinga gwake-rĩ, Esiteri nĩekĩrire nguo ciake cia ũnene agĩthiĩ akĩrũũgama nja ya thĩinĩ ya nyũmba kwa mũthamaki aringaine na kanyũmba karĩa kaarĩ na gĩtĩ kĩa mũthamaki. Naake mũthamaki aarĩ kũu kanyũmba thĩinĩ aikarĩire gĩtĩ kĩa ũthamaki eerekeire na kĩhingoinĩ. 2 Rĩrĩa mũthamaki oonire kwini […]