Monthly Archives: July 2017

Ngai na andũ aake a Isiraeli# 1 Andũ aakwa thikĩrĩriai ũrutani wakwa, na mũigue ũrĩa ndĩroiga. 2 Ngwaria na thimo, ndaaririe maũndũ ma hitho ma hĩndĩ ya tene 3 marĩa tũiguĩte na tũkamenya, marĩa twĩrĩĩtwo nĩ maithe maitũ. 4 Tũtirĩmahithaga ciana ciitũ; nĩtũrĩĩraga rũciaro rũrĩa rwĩ thuutha ũrĩa Ngai arĩ hinya, na tũrwĩrage ũhoro wa […]

Ihooya rĩa kũũria Ngai ahonokie rũũrĩrĩ# 1 Bũrũri waku, Ngai, nĩũtoonyereirwo nĩ andũ a ndũũrĩrĩ, magathaahia Hekaarũ yaku ĩrĩa theru, na makamomorania itũũra rĩa Jerusalemu. 2 Matigĩĩte ciimba cia andũ aaku irĩĩo nĩ nderi, mĩĩrĩ ya ndungata ciaku ĩrĩĩo nĩ nyamũ cia gĩthaka. 3 Maitangĩĩte thakame ya andũ aaku o ta maaĩ itũũrainĩ rĩa Jerusalemu […]

Ihooya rĩa kũũria Ngai atũme rũũrĩrĩ rũgaacĩre rĩngĩ# 1 Tũthikĩrĩrie, wee mũrĩithi wa Isiraeli; tũigue, wee mũtongoria wa rũũru rwaku. Wee ũikarĩire ciũmbe iria irĩ mathagu irĩ ta gĩtĩ gĩaku gĩa ũthamaki, 2 wĩguũrĩrie mĩhĩrĩga ya Efiraimu, Benjamini, na Manase, Arahũka na hinya waku ũũke MWATHANI. 3 Tũgaacĩrithie rĩngĩ, Ngai! Tũiguĩre tha na ũtũhonokie! 4 […]

Rwĩmbo rwa gũkũngũĩra thigũkũ# 1 Inĩraai Ngai, o we mũtũgitĩri, mwanĩrĩire; inaai mũkĩgoocaga Ngai wa Jakubu! 2 Ambĩrĩriai kũina na mũhũũre tamburini, na ngita na inanda iria igambaga wega. 3 Huuhaai karumbeeta gakũmenyithania thigũkũ nĩyambĩrĩria: ya karũũgamo ka mweri na ya mweri waiganana. 4 Ũguo nĩguo watho wa Isiraeli uugĩĩte; nĩguo Ngai wa Jakubu aathanĩĩte. […]

Ngai nĩwe mũthamaki wa athamaki# 1 Ngai nĩgũikarĩra aikarĩire gĩtĩ gĩake kĩamainĩ kĩa igũrũ; # aratuĩra ngaie gatagatĩ gaacio agĩciũragia atĩrĩ, 2 “Mũgũtũũra nginya rĩ mũtuaga ciira mũtekũrũmĩrĩra kĩhooto, na mũnyiitaga mbaru andũ arĩa ooru? 3 Gitagĩraai ihooto cia athĩĩni na cia ciana cia ngoriai; mũtikaahinyagĩrĩrie arĩa mabataire na arĩa matarĩ na wa kũmateithia. 4 […]

Ihooya rĩa kũũria Ngai ahoote thũ cia Isiraeli# 1 Wee, Ngai, tiga gũkira; tiga gũikara ũhooreire na wĩnyiitanĩirie! 2 Atĩrĩĩrĩ, thũ ciaku nĩkũnegena iranegena; arĩa magũthũire nĩkũng’athia mang’athĩĩtie. 3 Marabanga na hitho ũrĩa mekũũnũha andũ aaku; maraciira ũũru igũrũ rĩa andũ arĩa wee ũmenyagĩrĩra. 4 Mareerana atĩrĩ, “Ũkaai twanange rũũrĩrĩ rwao nĩguo rĩĩtwa rĩa Isiraeli […]

Kwĩrirĩria nyũmba ya Ngai# 1 Hekaarũ yaku, MWATHANI Mwene Hinya Wothe, kaĩ nĩndĩmĩendeete-ĩ! 2 Nĩndĩrerirĩria mũno gũkorwo ndĩ Hekaarũinĩ ya MWATHANI. Ndĩrainĩra Ngai ũrĩa ũrĩ muoyo na ngoro yakwa yothe ngeneete. 3 O nacio nyoni nĩciĩyoneire ũikaro kuo, nacio thũngũrũrũ ikeyakĩra nyũmba cia gũikarwo nĩ tũcui twacio, hakuhĩ na kĩgongoona gĩaku, MWATHANI Mwene Hinya Wothe, […]

Ihooya rĩa kũhoera wagĩrĩru wa bũrũri# 1 MWATHANI, nĩwaiguĩrĩire tha bũrũri waku; nĩwacookeirie Isiraeli ũtonga wake. 2 Nĩwarekeire andũ aaku mahĩtia maao; meehia maao moothe wee nĩwamooheire. 3 Nĩwatigire kũng’ũrĩka nĩ ũndũ wao na ũgĩthirwo nĩ maraakara mekũrĩrĩmbũka marĩa warĩ namo. 4 Gĩtũgaacĩrithie rĩngĩ Ngai mũhonokia witũ, na ũtige gũikara ũtũraakarĩire! 5 Ũgũtũũra ũtũraakarĩire nginya […]

Ihooya rĩa kũũria ũteithio# 1 Ndegera gũtũ, MWATHANI, na ũnjookerie, nĩ ũndũ ndĩ mũthĩĩnĩku na ngabatara. 2 Ndũkaareke ngue, tondũ nĩngũtĩĩĩte, honokia, tondũ ndĩ ndungata yaku na nĩngwĩhokeete. 3 Njiguĩra tha, tondũ wee nĩ we Ngai wakwa, ngũhooyaga mũthenya wothe. 4 Canjamũra ndungata yaku, MWATHANI, tondũ nĩ we ndĩrahooya. 5 Nĩ gũkorwo wee, MWATHANI, wĩ […]

Gũkumia itũũra rĩa Jerusalemu# 1 Atĩrĩĩrĩ, kĩrĩmainĩ kĩrĩa gĩtheru nĩ ho MWATHANI aakire itũũra rĩake; 2 eendeete itũũra rĩa Jerusalemu gũkĩra kũndũ kũrĩa kũngĩ guothe thĩinĩ wa Isiraeli. 3 Wee, itũũra rĩa Ngai, tathikĩrĩria ũigue maũndũ meega marĩa Ngai araaria igũrũ rĩaku; 4 “Nĩngaagwetanĩria Misiri na Babilonia hamwe na mabũrũri marĩa manjathĩkagĩra; nĩngaataranĩria andũ a […]