Monthly Archives: July 2017

Mawatho makoniĩ igongoona 1 MWATHANI nĩaheire Musa 2 mawatho maya makũrũmagĩrĩrwo nĩ andũ a Isiraeli marĩ bũrũriinĩ ũrĩa eerekeire kũmahe: 3 ndeegwa, ndũrũme, ng’ondu, kana mbũri no ĩrutĩrwo MWATHANI igongoona rĩa njino, kana igongoona rĩa mwĩhĩtwa, kana kĩheeo gĩa kũruta na kwĩyendera kana kĩheeo o gĩothe kĩa iria mũrutaga thigũkũinĩ cianyu; mũtararĩko wa magongoona macio […]

Kora, Dathani, na Abiramu gũũkĩrĩra Musa 1-2 Na rĩĩrĩ, mũndũ wetagwo Kora mũrũ wa Iziharu, wa mũhĩrĩga wa Lawi, wa mbarĩ ya Kohathu, nĩokĩrĩire Musa. Nĩanyiitirwo mbaru nĩ Dathani na Abiramu aariũ a Eliabu, na Oni mũrũ wa Pelethi a mũhĩrĩga wa Reubeni, na atongoria angĩ a Isiraeli magana meerĩ na mĩrongo ĩtaano moĩkaine wega, […]

Mũthĩĩgi wa Harũni 1 MWATHANI akĩĩra Musa atĩrĩ, 2 “Ĩra andũ a Isiraeli makũnengere mĩthĩĩgi, ũnengerwo mũthĩĩgi ũmwe kuuma kũrĩ mũtongoria wa o mũhĩrĩga wa ĩrĩa ikũmi na ĩrĩ ya andũ a Isiraeli. O mũthĩĩgi, ũwandĩke rĩĩtwa rĩa mwene guo, 3 no rĩĩtwa rĩa Harũni ũrĩandĩke mũthĩĩgiinĩ wa mũtongoria wa mũhĩrĩga wa Lawi. Gũgũkorwo na […]

Wĩra wa athĩnjĩri Ngai na wa Alawii 1 MWATHANI agĩkĩĩra Harũni atĩrĩ, “Wee, aariũ aaku, na Alawii nĩ inyuĩ mũrĩcookagĩrĩrwo nĩ ũũru ũrĩa ũngĩoneka mũgĩtungata Hemainĩ yakwa ya gũtũnganwo; no rĩĩrĩ ũũru ũrĩa ũngĩoneka mũgĩtungata ta athĩnjĩri Ngai, nĩ we na aariũ aaku ũrĩcookagĩrĩra. 2 Reehe andũ a nyũmba yanyu, nĩ o andũ a mũhĩrĩga […]

Mũhu wa ng’ombe nduune 1 Na rĩĩrĩ, MWATHANI akĩĩra Musa na Harũni, 2 mahe Aisiraeli mawatho maya. Meereei mamũreehere moori nduune ĩtarĩ na kaũũgũ kana karooro, na ĩrĩa ĩtarĩ yaguucia mũraaũ, 3 mũmĩnengere Eleazaru mũthĩnjĩri Ngai. Moori ĩyo yumio nja ya kambĩ ĩthĩnjĩrwo ho we arĩ ho. 4 Naake Eleazaru ooe thakame ĩmwe ya yo […]

Maũndũ marĩa meekĩkire Kadeshi 1 Na rĩĩrĩ, mweriinĩ wa mbere, mũingĩ wothe wa Isiraeli ũgĩkinya werũinĩ wa Zini, ũkĩamba hema Kadeshi, na wĩ kũu Miriamu agĩkua na agĩthikwo o kuo. 2 Kũu maambire hema gũtiarĩ maaĩ, na kwoguo andũ makĩũngana harĩ Musa na Harũni 3 makĩambĩrĩria gũteta makiugaga atĩrĩ, “Nĩ kaba tũngĩakuanĩire na Aisiraeli arĩa […]

Aisiraeli kũhoota Akanaani 1 Na rĩĩrĩ, Mũkanaani warĩ Mũthamaki wa Aradi, watũũraga werũinĩ wĩ mwena wa na kĩanda, aigua atĩ Aisiraeli maagereire njĩra ya Atharimu, akĩmookĩrĩra agĩtaha amwe aao. 2 Nao Aisiraeli makĩĩhĩta makĩĩra MWATHANI atĩrĩ, “Watũhotithia kũhoota andũ a matũũra maya, tũkũmaananga biũo hamwe na andũ oothe a mo, tuonanie nĩtwakwamũrĩra.” 3 MWATHANI agĩkĩmaigua, […]

Mũthamaki wa Moabi gũtũmanĩra Balaamu 1 Andũ a Isiraeli magĩthiĩ na mbere, na maakinya gĩtuambainĩ kĩa Moabi, mwena wa irathĩro wa rũũĩ rwa Jorodani, mũrĩmo ũũrĩa ũngĩ wa Jeriko, magĩaka kambĩ kuo. 2 Na rĩĩrĩ, Balaki mũrũ wa Ziporu, mũthamaki wa Amoabi, aigua ũrĩa Aisiraeli meekĩĩte Aamori, na ũrĩa Aisiraeli maarĩ aingĩ, 3 we na […]

1 Balaamu agĩkĩĩra Balaki atĩrĩ, “Njakĩra igongoona mũgwanja haaha, na ũndeehere ndeegwa mũgwanja na ndũrũme mũgwanja.” 2 Naake Balaki agĩgĩĩka o ũguo eerirwo, na o kĩgongoonainĩ Balaki na Balaamu makĩruta igongoona rĩa ndeegwa ĩmwe na ndũrũme ĩmwe. 3 Hĩndĩ ĩyo Balaamu akĩĩra Balaki atĩrĩ, “Rũũgama haaha hakuhĩ na igongoona rĩaku rĩa njino, na niĩ thiĩ […]

1 Na rĩĩrĩ, Balaamu nĩamenyeete atĩ MWATHANI eendaga araathime andũ a Isiraeli na kwoguo ndagĩthiire gũtuĩria ũhoro ta mahinda macio mangĩ ma mbere. Agĩkĩhũgũka na werũinĩ 2 agĩcũũthĩrĩria akĩona andũ a Isiraeli maambĩĩte hema kũringana na mĩhĩrĩga yao. Na rĩĩrĩ, akĩiyũrwo nĩ roho wa Ngai, 3 akĩambĩrĩria kũratha ta ũũ: “Ndũmĩrĩri ya Balaamu mũrũ wa […]